رســــــــــــــــالة الــــــــى العــــسكر

رسالة الى العسكر 

من سبقوكم سطروا بدمائهم تاريخ سوف نفخر به وبهم أبد الدهر

وانتم تسطرون تاريخا أيضا , ولكن تاريخا مشينا سيظل أبد الدهر وصمة عار للعسكرية المصرية

فتبت كل ايديكم

الآثار الجانبية للشاى بالياسمين

لم تتوقع احزاب الشاى بالياسمين المشاركة فى موقعة التوقيعات الشهيرة مع سامى عنان أن نتائج مظاهر إبداء فروض الولاء والطاعة سوف تنتهى بهذه الطريقة الدرامية .

فقد اثبت المجلس العسكرى بأنه الماكر الأكبر الذى سخر من الماكرين الصغار الذين ارتضوا بدور الأنتهازى اليهودى الذى كان ملازما لأبطال مسرحيات شكسبير وزملاء عصره من الكتاب الأوربيين والذى كان دائما مايكون الخاسر, كما كان حال المرابى اليهودى شيلوك فى مسرحية تاجر البندقية .

كانت الصفعة هذه المرة قوية ومدوية فبعد أن استخدم عنان قوته الناعمة وقدراته الخارقه فى محاولة تنويم بطل رواية التوقعيات فى حين أن بطل الرواية هو من كان يعتقد انه الأذكى محاولا الوصول إلى مأربه فكانت المساومة التى أعمته عن إدراك ما يحاك له من مقالب عسكرية تستحق ان تدرس فى الاكاديميات الكوميدية .

كانت المساومة فى أن يوافق المجلس العسكرى على الغاء المادة الخامسة المعنية بالثلث الفردى الذى كان قد قُرر ان يكونوا من خارج الأحزاب مما أثار جنون الأخوة ووضعهم فى مأزقهم الحرج فما كان منهم الا الموافقة على كل شروط العسكر بما فيها وثيقة الشرف الدستورية التى لطالما تشنجوا وهم يهاجمونها بكل الطرق , ولكن ليس هناك مجال للرفض الآن طالما يتعلق الامر بعدد مغانمهم فى البرلمان , وتزيلت هذه الشروط ببند يمثل الكوميديا السوادء بعينها حيث كان التأييد الكامل والشامل على بياض لكل قرارات المجلس العسكرى ليفعلوا بالشعب المصري مايريدون من قتل وتعذيب وتنكيل ومحاكمات عسكرية باطلة وهو ما استمر وتكرر وتزايد فى الآونه الآخيرة والأخوة بالطبع يمثلون دور الأطرش فى الأفلام القديمه الذى لايسمع الا مايروق له فقط .

وعلى الرغم من الهجوم الضارى على الوثيقة والموقعين وتراجع بعضهم عن توقيعاته الا ان الأخوة الابطال ظلوا صامدين كالوحوش يدافعون ويبررون ويبررون ويعرضون النتائج المبهرة التى حلت على الشعب المصرى كرذاذ الأمطار بعد سنوات وسنوات من الجفاف . !

وجاءت الصفعة مبكرة ومباغته صفعت كل المصريين ولكنها عنت فى البداية الأخوة الابطال حيث إجتماع يتخلله الفلوليون يحمل بين طياته مبادىء دستورية تخرج لسانها لهم بأن دورهم فى مجلس الشعب ليس ذا قيمة فليسوا هم من سيضعون الدستور وليس لهم ان يناقشوا أى شيىء يتعلق بالجيش وسيكون الجيش هو حامى الدستور وسوف يكون هو صاحب السلطة الأكبر فى مصر فلن يكونوا إذن الا مجرد ديكور سوف يزين جنبات قاعة المجلس الأثرية والتى هى فى حاجة الى اعضاء اثريون كى تكتمل الصورة التعبيرية وها هم قد تكالبوا على حجز مقاعدهم دون ان يعوا انه قبل حجز المقاعد فلابد من إرساء القواعد .

وهاهم الآن يصرخون ببطلان اجتماع السلمى واتهامة بالالتفاف على مطالب الشعب المصرى !!! اين انتم من الشعب المصرى أليس ماوصل له الحال الآن هو من الآثار الجانبية لما تجرعتونه من الشاى بالياسمين كرها كنتم أو طائعين ؟؟

فما بالكم الآن تعترضون بعدما بعتم الغالى وهو الوطن وحقوق المصريين بالرخيص وهو حفنة من مقاعد لاتسمن ولا تغنى من جوع

فهنيئا لكم بمقاعدكم فقد ربح البيع

ربح المصريون بأن كشفتهم لهم أنفسكم

أحمد البطل

2/11/2011

سبــــح باســم المجلــس الأعلــــى

 

أعلم جيدا أن هذا العنوان سوف يكون سببا رئيسيا فى صب اللعنات والإتهامات المقولبة الجاهزه وقد يكون ذلك دون التعمق فى المضمون ,  حتى وإن كان يلمس أمرا واقعا نراه جميعا بصوره واضحة وجلية.

أعترف أنه عنوان مثير ظل يصدح فى رأسى لأيام ملحا علي وبشدة كى أستجمع شجاعتى وما تبقى لدى من قوة  وأقرر أن أكتب مايجول بخاطرى من أفكار شيطانية , تلك التى تمليها على كالعادة مخيلتى المريضة بداء الصراحة المزمنة .

 

هذا هو الواقع المرير المخجل  فهناك من هم مازالوا يعتقدون بأننا لا نستطيع أن نحيا دون إله بشري نسلم له كل أمورنا ونتوكل عليه فى كل أمور حياتنا نشكره فى السراء والضراء ونحمده على كل مايلقيه لنا من فتات هى فى الأساس حق من حقوقنا الواجبة النفاذ .

 

يعتقد  البعض يأننا لسنا إلا قطيع من الخراف لا نستطيع أن نسير أمورنا إلا براع أوحد وحيد  قدره لنا الله  دون غيره إختاره واصطفاه واجتباه دونا عن كل العباد  كى يرعانا ويتولى أمرنا وليس هناك من مانع إن يعتز بذلنا ويستقوى بضعفنا  وينهال علينا بكل صنوف العذاب طالما وجد من يبرر له أعماله ويدافع عن اخطاءه ليحول تجاوزاته الى انجازات  وتخريباته الى معجزات لم يكن لنا أن نراها إلا بهذا الإله الإنسى الذى نصبناه على أنفسنا .

 

هذه المرة إخترنا مجلسا من الآلهة دفعة واحدة وكأنه تيم ورك إلهى سوف ينتشلنا من الضياع الذى ارسلنا اليه من سبقهم تيم ورك قرر أن يتلاعب بمقدرات شعب إعتاد على أن يؤله من يحكمه فإذا به يجد فريق كامل يتستر وراء شرعية زائفة مدعيا أنه حمى ثورة لم يحميها إلا الله وشباب ضحوا بأنفسهم من أجل وطنهم وحلمهم فى وطن دافىء حنون يحتضنهم ويحميهم ويحفظ كرامتهم .

 

قررت اليوم ان اكتب هذه الكلمات  كى لا اوجها لمن يحكم بقدر ما اردت أن أوصلها لمن يبرر له ويسوقه على أنه البديل الوحيد القادر على حكم البلاد

اردت انه اوجهها لمن يريد ان يستبدل الحرية بالأمن معتقدا ومصورا لغيره بأن الأمن لن يتأتى إلا بقبضة العسكر الحديدية متناسيا اننا قبعنا طوال ستون عاما تحت وطأة هذه القبضه متجاهلا أن العدل وحده هو طريق الأمن والحرية والتنمية والرخاء والقبضة الوحيدة المسموح بها هى قبضة القانون عندما يطبق على الجميع دون استثناء أو محاباه

 

أتوجه بكلماتى هذه لكل مؤمن بحكم الفرد لكل من يهوى صناعة الفراعنة والآلهة البشرية  فلم يقطع الله نسل المصريات لكى تنجب لنا قادة أكفاء يعملون سويا يتداولون القيادة فيما بينهم يخطئون ويصيبون لأنهم بشرا يكافأون ويحاسبون لأنهم بشراا نحن من نختارهم او نسقطهم فنحن من نقرر فليس لهم عصمة وليسوا فوق القانون أو المحاسبة لأنهم بشر جئنا بهم ليخدمونا لا لنخدمهم نحن , ليصونوا كرامتنا لا ليدهسوها , ليحمونا ويحفظوا أمننا لا ليرهبونا , ليدعموا حريتنا لا ليكبلوها , ليرفعوا من معيشتنا لا ليحرمونا .

 

نريدهم منا , همهم هو همنا فرحهم هو فرحنا انتصارهم هو انتصارنا

نريدهم بشراااااااا فلن نولى علينا مؤلهين بعد الآن

فلا لمجلس العسكر إن أراد البقاء أطول مما هو مقدر له

ولا لحكم عسكرى آخر من بعده فكفانا عسكرة

ولن نسبح بأسم المجلس الأعلى

فليس لنا إلا رب واحد جل فى علاه نسبحه ونحمده حمدا كثيرا بأن خلق لنا عقولا لنفهم ونتدبر ونتعلم من تجاربنا .

 

احمد البطل

7/10/2011

فى حضــــــــــــــرة الإمـــــــــــــام

كثيراً ما تمر بى لحظات من حياتى أعتقد أنها الأجمل إلى أن تأتى غيرها لتنسخها فتأخرها إلى الخلف وقد تنسينى إياها بالمرة..
لكن هذه المرة حدث مالم أتوقعه أو أحلم به يوماً..

إنه الإمام .. قدر لي الله أن أكون واحداً من بين خمسة عشرشاباً من شباب حزب الوسط الذين نالوا شرف زيارة الإمام القرضاوى أطال الله فى عمره .

منذ أن سمعت البشرى من الــ د.رحاب انتابتنى حالة من الذهول الممزوجة بالفرح والدهشة والفخر حتى النوم أبى أن يحتوينى إلا بعد ليلةٍ طويلة من التفكير امتدت لما بعد الفجر .

مع أول خطوة أخطوها إلى داخل منزل الإمام سرت فى جميع أنحاء جسدى قشعريرة كالتى كنت أشعر بها قديماً وقت دخولى لجنة إمتحان الثانوية العامة بقيت معى لحظات إلى أن استطعت السيطرة على نفسى لأبدو طبيعياً فى وقت كل ما أراه حولى لايبدو طبيعي فلا يستطيع عقلى الصغير أن يستوعب أنه الآن داخل منزل شيخ الإسلام " الإمام القرضاوى "

بعد لحظاتٍ قليلة سيكون أمامى...سوف أصافحه...أقبل يده , ترى متى سيخرج الشيخ ؟؟ ماذا يرتدى ؟؟ أين سيجلس كيف سيستقبلنا وكيف سنستقبله ؟ كلها أسئلة صدحت فى رأسى تريد إجابات نموذجية سريعة وتصورات لما سيكون عليه اللقاء بعد دقائق..

وفجأة انتفضنا جميعا واقفين.. فقد دخل علينا الإمام بوجهٍ بشوش مريح ترتسم عليه علامات جلال العلماء والصالحين, كنت أشعر بطاقة كونية تسرى حولى أشعر وكأننى فى اللامكان واللازمان, كأني شخص على فراش الموت تارة يغيب عن الدنيا غير مصدق لما هو فيه وتارة أخرى يستفيق ليتأكد بأنه مازال فى نفس المكان إنه فى حضرة الامام..

دخل عينا الشيخ نافثا فينا من روحه نفحات إيمانية روحانية جعلتنا مشدوهين لما يقول وكأن على رؤوسنا الطير نريد أن نستخلص كل ثانية تمر علينا إلى آخر قطرة من قطرات الشهد التى تسمى تجاوزاً كلمات تلك التى تخرج من فم شيخنا العزيز لتسلك طريقها مخترقة صدورنا لتنحفر داخل قلوبنا فتبقى كمعلقة من المعلقات نسترشد بها كلما اشتقنا اليها .

أبكانا مرة وهو يتذكر مقابلته الأولى مع الإمام الغزالى - رحمه الله- فاختنق صوته ودمعت عيناه.. فبكت أعيننا وقلوبنا لا أدرى إن كان إشفاقا عليه أم حزنا على فقدان الإمام الغزالى..! وتمنياتنا أن يكون حاضراً فى هذه الأيام.

وأبكانا للمرة الثانية وهو يحثنا على حمل الراية وعدم الإستسلام أمام أى معوقات بيد أن هذا البكاء تحول إلى طاقةٍ جبارة وهو يحدثنا عن المبشرات فى الإسلام وفتوحات وانتصارات المسلمين لترتفع معنوياتنا إلى عنان السماء ويرتفع معها إصرارنا على التمسك بمبادئنا وأهدافنا والسعى إلى تحقيقها مهما كلفنا ذلك من تضحيات.

كان لى الشرف أن أكون أحد الحاضرين وكان لى الشرف أن أقوم بتصوير هذا الحدث التاريخى على الأقل بالنسبة لى أعتقد أن هذه اللحظات ستكون إلى الأبد واحدة من العلامات البارزة فى حياتى ولن أجد هذه المرة ماقد ينسخها فقد اعتلت القمة ... إلى الأبد.

 

أحمد البطل 

6/9/2011

مراجعة عصام ابراهيم

أنــــــا عـلـــــــمــانى

أكاد ارى الأن أصابع متحفزة تهم بالهجوم على لوحة المفاتيح لكى تكيل لى الأتهامات والأستنكارات وأكاد ارى ايضا وجوه ذات ملامح غاضبة ممتعضة من هول مفاجأة

هذا العنوان وتستتبعها الاسئلة المستنكرة احمد البطل علمانى يا للهول ولكن بدورى اقول لك اخى الكريم انتظر حتى تسمع منى رؤيتى حتى النهاية فأن لم تعجبك فاستنكر

كما شئت واتهم كما شئت فهذا هو الطبيعى فى مثل هذه الأيام نعم أنا علمانى ليبرلى اشتراكى اسلامى قبل ان تتحول ملامح الامتعاض الى دهشه دعنى لأوضح لك ما

يجول بنفسى

أنا علمانى بمفهومى للعلمانية قد اكون افهمها بصورة خاطئة وقد لا اكون افهمها فى الأساس ولكن على الاقل هذا هو تصورى لها او رغبتى فى ان تكون كما اريد

فعلمانيتى التى اراها هى فصل المؤسسات الدينية عن الدولة والدولة التى اقصدها ليست المجتمع بل اقصد الحاكم اى ان شيخ الازهر كمثال ليس عليه سلطان من احد لا يتحكم

فيه حاكم او رئيس او وزير هو منتخب لا يعينعه احد لا يأمره احد لا يعنيه شيىء الا دوره المنوط به من خلال عمله كرأس للمؤسسة التى يرأسها هذا هو مفهومى

للعلمانية فهل تختلف معى فى ذلك ؟؟؟

أنا ليبرالى بمفهومى لليبرالية وقد اكون ايضا لا افهمها جيدا ولكن هذا هو فهمى لها فاليبرالية التى افهمها هى الحرية للجميع فى التفكير الحرية فى الاعتقاد الحرية فى

الانتماء الحرية فى الاقتصاد طالما هذه الحرية لا تؤذينى كفرد وكمجتمع ولا تتعارض مع مبادئي الدينية والاخلاقية اذن فأنا ليبرالى يمفهومى

أنا اشتراكى يسارى بمفهومى لهذه اليساريه فى حق الجميع فى التمتع بكل الحقوق الانسانية فى العدالة الاجتماعية والكرامة الانسانية وحقوق العمال مثلهم مثل اصحاب

الأعمال حق الفقير فى العيش بكرامة حقى فى ان ارفع رأسى واعتد بنفسى وقوميتى المصريه والعربيه والاسلامية والزام الدولة فى ان تكون هى الراعية لهذه الحقوق اذن

فأنا يسارى بمفهومى

أنا اسلامى اخوانى سلفى جهادى ايا كانت جماعتى وتنظيمى وفكرى ولكن من حقى ان أرى دينى وهو يطبق بتشريعاته التى تراها المؤسسه الدينيه الحرة المستقلة ان ارى

مبادىء دينى تطبق من قيم وأخلاق وتعاملات أمرنا بها الخالق لأصلاح دنيانا وتمهيد لأخرتنا اذن انا اسلامى بمفهومى

وماذا اريد من كل هذا ولم اقول كل هذا ؟؟ كل ما اريده هو ان نحترم بعضنا البعض فكل ما فات هى مبادىء واهداف عامة وفكر خاص لكل التيارات السياسية فليست كفرا ولا

شركا ليست خيانة ليست هدما المهم ان نعمل سويا جميعا فلو تحققت كل هذه المبادىء لأصبحنا ارقى واقوى الدول نحن لا نريد الا ماسبق كلنا نريده ولكن لن يحدث الا

اذا اجتمعنا سويا ,دعونا ننسى هذه الكلمة القميئة التى تدعى الأقصائية فالضامن الوحيد لتقدم مجتمعنا هى التعددية دعونا ننسى حزب ال 99 % فلم نعد نريده نريد كل

التيارات ممثله فى البرلمان والحكومة دعونا نعمل جميعا من اجل بلدنا فكلنا لنا هدف واحد ومصلحتنا العامه واحده فدعونا ننسى المصالح الخاصة لأن تجمعنا الوحيد سيكون

لنهضة وطننا

دعونا ننسى المسميات فكل هذه الاسماء صورت على مر العصور على انها الشيطان بعينه فكلها اسماء سيئة السمعة من اليسار حتى اليمين واستخدمت كفزاعات لأخافة

الناس منها بداية من كلمة ديمقراطية وحتى الاخوان والسلفيين دعونا الأن لا نتوقف كثيرا امام الاسماء فلنهتم أكث بالجوهر دعونا لانختلف على مانتفق على جوهره لمجرد

الخوف من المسميات دعونا نعمل كـ يد واحدة للبناء لا كأيادى متفرقه للهدم

ايا كنت ليبرالى علمانى يسارى اخوانى سلفى كلنا واحد همنا واحد فرحنا واحد وحزننا واحد قد نجتمع جميعا ليخرج لنا تيار جديد يجمع مابين كل ماسبق من مبادىء

تيار وسطى معتدل حر بعيدا عن التطرف فى كل الأفكار لأن هناك علمانى متطرف وليبرلى متطرف ويسارى متطرف واسامى متطرف وليس لى اى شأن بهؤلاء

فأنــــــــــــا وسطــــــــــــــــي حــــــــــــــــــر

احمد البطل

11/6/2011

الــــــــراعي والقطــــــــــــــيع

بدأت اليوم اعادة قراءة احدى الروايات المقربة الى قلبي للمره الثالثة وهى رواية الخيميائى للروائى البرازيى باولو كويلهو ولكن عند بداية قراءتى لها توقفت كثيرا أمام فقرة صغيرة في بداية الرواية وكأنى لم الحظها من قبل وهو نفس شعوري عندما اقرأ كتاب معين لأكثر من مره فكل مرة الاحظ فيها فكرة لم ألحظها من قبل فالقناعات والخلفيات الثقافية والسياسية والاحداث الجارية دائما ما تلقي بظلالها على فكر كل شخص وبتغير هذه الأفكارأوالقناعات أو تطورها يخلق هذا النوع من الرؤية الجديدة .

نعود الى الرواية فقد توقفت عندما كان الراعى الأندلسى سانتياغو يحاور نفسه مشيرا الى أغنامه ( واذا تحولت بين لحظة وأخرى وحشا وأقدمت على قتلها, الواحدة تلو الأخرى, فلن تدرك ذلك الا بعد افناء القطيع بكامله, لأنها تثق بي, ولأنها توقفت عن الوثوق بغرائزها, وهذا كله لأنني أنا من يقودها الى المرعى ) .

تلقائيا بدأت تحاصرنى هذه الكلمات القليلة لتنعكس على مخيلتى (المريضة ( وبدأت تنهش فيها لتذكرها بألاوضاع التي عشناها في الفترة السابقة فتحول سانتياجو فجأة الى الحاكم وتحولت أنا الى واحد من هذا القطيع الذى يرعاه ورأيت هذا الوحش بأم عينى وهو يستل سكينه ويرفعه الى عنان السماء آمرا بقتل افراد القطيع الواحد تلو الأخر تارة بحجة الأمن وتارة بالأهمال والفساد وتارة بقطع اللأرزاق وتارة بترك الأمراض تنهش فى افراد القطيع وتارة اخرى بسرقة طعامهم .

فبدأت فى المقارنة بين سانتياجو راعي الأغنام وسانتياغو راعى البشر فراعي الأغنام يحافظ على أغنامة يقطع الأرض ذهابا وايابا متحديا الشمس الحارقة والاخطار المحدقة والذئاب المارقة كى يؤمن لهم الغذاء قد يظل يجرى هائما هنا وهناك بالساعات بحثا عن نعجة تائهة حتى يجدها ويردها للقطيع .

قد يضطر الى المرور على كل القطيع كى يطمئن على سلامتهم جميعا قد يترك أغنامة فترة من الوقت لتتجول بحرية هنا وهناك قبل ان يجمعهم بحنان وهدوء لأستكمال المسيرة وفي النهاية كلما اجتهد فى الأعتناء بقطيعة كلما وجد الخير الوفير من صوف ولبن وجبن ولحم ومال .

ثم تحولت فجأة الي سانتياجو الحاكم الشرير الشرس الذى الذى اهان شعبه وتركة يموت غرقا وحرقا وتصادما ومرضا وجوعا وفقرا وان اراد ان يتجول بحرية كقطيع سانتياجو الراعي قد يكون مصيرة القتل فى زنازين الأمن فهذا هو القتل الذي قصده سانتياجاو دون ان يشعر قطيعه فقط لأنهم وثقوا به وفقدوا الثقة الغريزية فى انفسهم .

وفجأة أفقت من هذه الأفكار الشيطانية التى لعبت برأسى وكأنها كرة بلياردو , مذكرا نفسى بأنه بعد الآن لن نثق الا فى غرائزنا وغرائزنا هى من ستقرر من هو راعينا سانتياجو الراعى ام سانتياجو الحاكم فنحن لسنا قطيعا من الأغنام بل نحن بشر لنا حقوق اصيلة وحقوقنا نحن من نقررها ونستردها عنوة عندما تنتزع منا .

قراءة الروايات ليست فقط للتسلية او المتعة فلابد وان وراء كل رواية الف فكرة قد تضاف الى مكتبة افكارك

احمد البطل

شكرا سانتياغو

نـــاقــر ونقيـــــــر فـــــى ميــــــــدان التحريــــــــــــــر

25 يناير ياااااه كان حلم حتى واحنا عايشينه وبنتحرك فيه كنا حاسيين اننا بنحلم , كنا حاسين بمشاعر جديده علينا ,بنتمناها طول عمرنا


كلنا كنا بنحب بعض بنساعد بعض بنخاف على بعض ماسكين فى ايدين بعض انا فاكر اول يوم قابلت شباب ماعرفهمش كنت خارج لوحدى مشينا مع بعض واكلنا واتجمعنا وحمينا بعض من الضرب وكل ما حد يبعد عن نظرنا مانمشيش غير لما نجيبه .


بعدها قابلت ناس اصحابى كانو من الاخوان وبرضه كان قلبنا على بعض وكنا ايد واحده كنت لما اروح اشترى ميه اشترى للكل وامشى اوزع على كل اللى يقابلنى كنت اروح اشترى كمامات طبيه واوزع على كل الناس واللى مقابلنى ومعاه سندوتشات ويدينى واللى معاه عيش يدينى واللى يشترى حتى عسليه يوزع علينا والناس اللى فى البيوت يحدفولنا بصل علشان يخفف علينا شوية وطأة الغاز


ماحدش كان بيسأل حد انت تبع ايه ماحدش بيقول لحد انت ليبرالى ولا علمانى ولا اخوانى ولا سلفى ولا حتى مسيحى كلنا ماسكين فى ايد بعض هدفنا واحد كلنا خرجنا علشانه عاوزين حريتنا , عاوزين حريتنا كلنا مش طالبين حريه للاخوان لواحدهم ولا لليبراليين لواحدهم ولا للمسلمين لواحدهم كلنا عاوزين حرية مصر اللى اغتصبوها واستباحوا خيرها وشعبها وكل اللى فيها اعتبروها مزرعه مساحتها مليون كيلو متر فيها 85 مليون عبد بيسبح بحمدهم ماكانش فيه تفرقه فى الظلم كلنا كنا مقهورين مسلم ومسيحى مقهورين ليبرالى وعلمانى ويسارى واسلامى كلنا كنا بنتهان فى بلدنا .


علشان كده طول ايام الثوره كلنا كنا ايد واحده لانا دقنا نفس الظلم والذل والمهانه نفس التضييق علينا كلنا, نفس الفساد كان بيطولنا نفس الوجوه كانت بتستفزنا مابتفرقش بيننا وعلشان كده طالبنا بمطالبنا واحنا ايدينا فى ايدين بعض ,,,,,,,


وبعدين ايه اللى حصل بعد كده ؟؟؟ ايه اللى فكك ايدينا من بعض ؟؟ مين اللى خلانا نقف تانى لبعض ؟؟ احنا لسه ماخلصناش ثورتنا ليه عاوزين نجرى على الغنايم من الوقتى ؟؟؟ فاكرين غزوة احد ؟؟ لما الغنايم حلت فى عيون الرماة المسلمين ونزلوا جرى علشان يلموها وده كان سبب للهزيمه ,,, ليه عاوزين نكرر غلطة جدودنا ليه كل مجموعه بدأت ترفض التانيه وتعيب فيها وعاوزه هى لواحدها تحصد مكاسب الثوره وتحرم غيرها منها ؟؟ ليه خايفين من بعض ؟؟ وبنطلع اشاعات على بعض
ايه يعنى اخوانى ولا سلفى ولا علمانى ولا ليبرالى ولا شيوعى ولا مسيحى ؟؟ فى الاخر انا مصرى وليا حقوق ومن حقى اطالب بيها ومن حقى اننا نقف جنب بعضنا زى مابدأنا علشان نكمل مشوارنا ونوقف بلدنا على رجليها ,,,


كفايه فرقه , كفايه تهور , كفايه مناقره عاوزين نبعد ناقر ونقير عن ميدان التحرير عاوزين التحرير يرجع تانى لينا كلنا , بتاعنا كلنا ,التحرير اللى كلنا صلينا فيه مسلمين ومسيحيين وغنينا فيه وهتفنا ورقصنا وجرينا واتضربنا , ده مكاننا كلنا ورمز لينا كلنا رمز حريتنا رمز نضالنا رمز اتحادنا كلنا ,التحرير هو رمز الاتحاد مش الفرقه


خلونا ارجوكم نرجع تانى للتحرير مش المكان لأ التحرير الرمز التحرير الاخلاق التحرير اللى ايدنا فيه كانت واحده الصوره الجميله اللى حلمنا بيها وعشناها مش عاوزين نفقدها عاوزين نفضل عايشينها بس كواقع مش كحلم لان احلام اليوم هى حقائق الغد وحقائق اليوم هى احلام الامس


دعونا ننسى خلافاتنا واختلافاتنا وننظر الى الغد دعونا نحقق احلامنا ونحولها الى واقع فلنستبعد ناقر ونقير من حياتنا الى الابد ,,,, او على الاقل الى ان نستطيع الوقوف 


احمد البطل
26/4/2011

الاشاعات والحرية والتضليل ,,,,,

امبارح بالصدفه لقيت موضوع متشير من على منتدى عمرو خالد بيقول ان عمرو حمزاوى يهودى من طائفة مش عارف ايه والدليل انه لابس اسوره فى ايده مش عارف لونها ايه !!!!

الصراحه انا صعقت لما قريت الكلام ده يعنى بالبساطه دى بقينا نتهم الناس وبنساهم ونساعد فى ترويج الاشاعات طيب قبل كده كنا بنساعد فى ترويج بعض الكلام والتجريح فى البعض بصور اخرى لكن المره دى وصلت لحد التكفير

هقول لحضراتكم بعض الامثله على تشويه الصور والادعاء على الناس بالباطل ومساهمة النشر الغير مسؤول فى التأثير على البسطاء 

 

1- الشهيد خالد سعيد شهيد الاسكندرية اللى اتقتل علشان خاطر فيديو نشره على اليوتيوب بيدين فيه احد ضباط الشرطه لمتاجرته فى المخدرات ,,,, قتلوه ثو وضعوا لفافة بانجو فى حلقه ثم قاموا بعمل حملة تشويه بانه مسجل خطر ومتعاطى للمخدرات وسلوكه مشبوه وصدق البعض هذا الكلام وساهم فى نشره الكثيرون مثلما يحدث الان

2- د- محمد البرادعى كل ذنبه انه عاد الى مصر فى بداية العام الماضى واعلن عن نيته فى الترشح للانتخابات بشرط ان يتم تعديل مواد الدستور الخاصه بالترشح للرئاسه اللى هما الماده 76 الخاصة بشروط الترشيح والماده 77 الخاصه بالمده وتحجيمها الى مدتين فقط والماده 88 الخاصه بالاشراف القضائى واللى اتغيروا الوقتى زى ماطلب

بالمقابل تم عمل هجمة شرسه فى وسائل الاعلام الحكومية على البرادعى
واتهامه اولا بالعماله لامريكا وانه ساهم فى دخولها العراق وبان ابنته متزوجه من مسيحى وان زوجته غير مصريه وحدث ايضا نفس الكلام وتم نشر هذه الخزعبلات على النت زى اللى حاصل برضه الوقتى وتم تشويه صورة الراجل رغم ان كل ذلك كذب وافتراء 

 

3- وائل غنيم ادمن صفحة كلنا خالد سعيد بعد الحلقه بتاعته مع منى الشاذلى غيرت توجهات الكثير من الناس وجعلتهم مع الثوره ظهرت نفس التشويهات الكوميديه اللى تقريبا اتقالت فى المقاله اللى اتكتبت على عمرو حمزاوى
وائل غنيم ماسونى لانه لابس حظاظه مش عارف شكلها ايه
والشعار اللى على التيشرت شعار الماسونيه على الرغم انه شعار ماركة التيشيرت البولو اللى هو لابسه 

 

وطبعا برضه كتير من البسطاء صدقوا الكلام ونشروه وساعدوا على انتشار هذه الشائعات

وبعد كل ده نرجع تانى ونقع فى نفس الفخ بس المره دى مش اتهامات بالخيانه او العماله او بيع القضيه
لأ المره دى اتهامات بالكفر ياترى هنوصل لحد فين ؟؟

طبعا انا عارف ومقدر جرعة الحرية الضخمه اللى تعاطيناها بعد الثوره واظاهر انها كانت جرعة فعلا زائده عن الحد لدرجة انها عملت اضرار وآثار جانبيه كتير جدااا

كلنا كنا بنطالب بالحريه ومستنيينها بس قبل ما نطالب بيها هل احنا عارفين يعنى ايه حريه ؟؟ عارفين ضوابط التعاطى مع الحريه دى ؟؟ عارفين يعنى ايه الحريه المسؤوله ؟؟ الحريه اللى بتحتم عليا انى احترم الناس الاول اللى بيسمعونى او بقروا كلامى ؟؟

الحريه المسؤوله هى اللى بتحتم عليا انى اتأكد من اى خبر قبل ما اكتبه او انقله والنقل هنا زيه زى الكتابه او يمكن يكون اخطر لأن اللى بينقل او بيساعد فى نشر او بلغة الفيس بوك بيعمل شير ممكن يساهم فى تأكيد الادعاءات دى للالاف و غالبا بيكون انسان برىء ماعندوش غرض قرأ مقال واتأثر بيه وصدقه لكن ماعندوش القدره للتفريق بين الغث والسمين مايعرفش الخفايا اللى اتنشر عشانها الكلام ده لكن بالتأكيد ده مابيعفيهوش من المسؤوليه على الاطلاق لا اخلاقيا ولا دينيا

احنا داخلين على مرحله جديده اساسها الحريه والديمقراطيه واحنا مطالبين نعرف كويس يعنى ايه حريه ونعرف حدودها وضوابطها ونحترم بعض مش علشان فلان مختلف معايا فكريا يبقى اشوه صورته او اكفره زى ماحصل والا اذا كنا مش هنعرف نتعامل بالحريه بلاها حريه ونرجع تانى زى ماكنا احسن ونقول لمبارك احنا اسفين احنا مانستاهلش اصلا الحرية دى

ارجوا من كل واحد شاف الكلام ده انه يفكر فيه شويه ويدى لنفسه فرصه يتأمل الاوضاع اللى احنا فيها واللى لسه داخلين عليها

ارجوا انه قبل ماينقل او يكتب كلمة يعرف انه هيتحاسب عليها ( وما يلفظ من قول الا ولديه رقيب عتيد ) لأن الكلمة دى ممكن تغتال شخص معنويا وممكن تتسبب كمان فى اغتياله جسمانيا

كلنا عارفين الصحف او النشرات الصفرا اللى بتتوزع فى الشوارع والباصات والقطارات وكتير مننا بيشتريها على الرغم انه ممكن يكون عارف ان اللى فيها كذب ياريت مانعملش زيهم

ياريت لما نحب نقرا لحد نقرا لناس موثوق فيها ناس بتحترم عقولنا ولاءها لقرائها وعندها ضوابط اخلاقيه ودينيه تمنعها من تضليل الناس ونحاول نعرف الفروق بين كل كاتب ونحاول نقرا مابين السطور واكيد ساعتها هنفهم هل الكاتب ده كاتب من منطلق ضميره ولا عنده اسباب خفيه بيكتب علشانها

ياريـــــــــــــــــت نحكم ضمايرنا ومنساهمش فى تضليل الناس

ونفتكر ان اللى عامل المنتدى ده هو صاحب مبادرة شير فى الخيـــــــر

ياريت نشير فى الخير

اللَّهُمَّ انى أَعُوذُ بِكَ أَنْ أَضِلَّ أَوْ أُضَلَّ أَوْ أَزِلَّ أَوْ أُزَلَّ أَوْ أَظْلِمَ أَوْ أُظْلَمَ أَوْ أَجْهَلَ أَوْ يُجْهَلَ عَلَيَّ

صدقت يارسول الله

B+ Episode 6 - (باسم يوسف شو الحلقة ٦ (مع سيد علي و هناء السمري

آخر كلام: السلفية في مصر .. الشيخ أسامة القوصي

حبيبتي من ضفايرها طل القمر - هدي - عمار الشريعي - علي الحجار

مصادرة الثورة

خلاص تقريبا كلنا عرفنا النتيجه النهائية للاستفتاء وهى نعم للتعديلات ايا كانت بس النتيجه خلاص مش هتفرق بس وجهة نظرى ان المنافسه دارت بصوره غير شريفه بالمره لأن فى اغلب الحالات بالنسبه للناس الغير متعلمه كانوا بيصوتوا بنعم فقط اتباعا لأوامر علماء الدين ,,,,

وانا بتابع بعض الاخبار لقيت ان الاربعة المرشحين لرئاسة الجمهورية او اللى اعلنوا ترشيحهم لحد الوقتى موسى والبرادعى ونور والبسطويسى كلهم قالوا لأ للتعديلات وفى انباء امبارح عن ان رئيس الوزراء قال لأ للتعديلات وكل التيارات السياسية المصريه اعلنت لا اذن ان نعم تمت فقط بأرادة المشايخ وده امر فى غاية الغرابه وبيخلينى اسأل لنفسى سؤال هو مين اللى هيقرر مصير البلد دى فى الفتره اللى جايه ؟؟ السياسيين ام المشايخ ؟؟ هل بعد كده السفراء والدبلوماسيين هيبقوا خريجين اصول دين ودعوه وخريجين الاقتصاد والعلوم الساسية يبقوا يدوروا على اى شغلانه وخلاص ؟؟ ممكن نشغلهم مقيمين شعائر علشان برضه يبقوا تحت نظر المشايخ ومايتكلموش فى السياسه..

الصراحه عادى انا متقبل النتيجه لكن اللى انا مش متقبله ان الامور تؤول الى غير اصحابها ,, فى مسجد كبير قريب منى تابع لأنصار السنه قال الخطيب يوم الجمعه صراحة ان اللى مش هيقول نعم يبقى آثم !!! هو ده بجد اللى هنمشى عليه الفتره اللى جايه هل هنبدأ بواجب دينى وآثم وهننتهى بكافر ؟؟ هل ممكن شوية ويقولوا البرادعى مثلا مهدور دمه ؟؟ انا مش عاوز اتخيل سيناريوهات بس انا مش متطمن انا بجد بدأت اقلق ماعنديش مشكلة اى حد يشارك ايا كان انتماؤه لكن ان حد واحد يصادر كل الحقوق لنفسه بأسم ربنا ده اصلا مايرضيش ربنا

واللى قالقنى اكتر هو تعدد واختلاف الجماعات الاسلاميه من سلفيينن لجماعه اسلاميه لجهاد وطبعا كلنا شفنا عبود الزمر وخفنا من كلامه زى بعض الصراحه انا شفت قدامى الصومال علطول تعرفوا ايه اللى حصل فى الصومال الفتره اللى فاتت

الصومال من كام سنه خرجت جماعة مسلحه اسمها المحاكم الاسلاميه وتمردت على الحكم واستولت عليه واتعمل انتخابات وفازوا بالرئاسه لو نفتكر اسم زعيم الجماعه شيخ شريف شيخ احمد وطبعا كان مشهور جداا اياميها والناس طلعت ودعت ربنا ينصر الاسلام والمسلمين ويدعولهم على اساس طبعا ان هما الصح طالما بيقولوا الاسلام ,,, لكن الوقتى اللى حصل ان خرج عليهم جماعه جديده اسمها شباب المجاهدين بتدعى ان المحاكم الاسلاميه مش بتطبق الاسلام كما ينبغى وانها بتتعامل مع الغرب الكافر وبدات المعارك المسلحه من جديد بين الحكومه الصوماليه متمثله فى المحاكم الاسلامية وبين جماعة شباب المجاهدين ,,, السؤال الوقتى مين بقى اللى على حق وهتدعوا فى المساجد لمين فيهم الاتنين اسلاميين ؟؟؟

ياترى ممكن يحصل عندنا ده ؟؟؟ ربنا يستر بس اللى انا حاسه وخايف منه ان ثورتنا تكون اتصادرت من اصحاب اللحى

سؤال لمشايخ الاستفتاء اللى بيعتبروا نفسهم فاهمين فى كل حاجه وبيدوا نفسهم الحق فى الكلام فى السياسه على انهم متخصصين فيها تعرفوا ايه عن قانون مباشرة الحقوق السياسية.

اخيرا خلاص زى ماقلت مش فارق معايا نتيجة الاستفتاء لأن المشكلة اخطر من انها تكون نتيجة استفتاء

B+ Episode 3 - باسم يوسف شو (مع عمرو مصطفي) الحلقة ٣

B+ Episode 2 - باسم يوسف شو (مع طلعت زكريا) الحلقة ٢

B+ Episode 1 - باسم يوسف شو الحلقة ١

خليك ايجابى وشارك

خليك ايجابى وشارك

النهارده اول مره صوتك هيبقى ليه قيمة بجد وأول مره نحس ان بأدينا ممكن نختار من غير مانعرف النتيجة النهائية, النهارده بجد يعتبر اول امتحان من امتحانات الحرية اللى احنا انتزعناها بأدينا .

بس الوقتى دورنا بقى اكتر اهمية, صوتك ده الوقتى بقى فعلا امانه , لازم تفكر كتير قبل ماتقرر هتوديه فين , لان قيمته بقت كبيره قوى .علشان كده اسمحلى اديلك شوية نصايح من ناس بتحبك وبتحب البلد دى .

ماتسمحش لحد انه يفرض عليك رأيه بأى حجه او طريقة. ماتديش لحد فرصه انه يبقى وصى عليك. كل اللى يقولك قول نعم قوله ليه؟؟. وكل اللى يقولك قول لا قوله لأ ليه؟؟. انت راجل بتفهم وواعى اسمع كل الاراء وكون فكرتك انت من دماغك وخد قرارك من جواك لأن اللى عاوز يفرض عليك رأيه مش بيفهم احسن منك.

وخد بالك لو قلت نعم انت صح , وبرضه لو قلت لأ انت صح , لأن الأتنين عندهم اسبابهم المنطقية, وماتخافش من اى حد يقولك ان البلد هتخرب لو قلت نعم. او البلد هتخرب لو قلت لأ ,,,,, ده كلام كله غلط البلد مش هتخرب ولا حاجه. ودى ناس بتحاول تعمل فزاعة علشان تتبنى وجهة نظرهم وخلاص .

وبرضه ماتسمعش لأى حد يقولك لو قلت نعم ده واجب دينى.او قلت لأ ده واجب دينى برضه .اللى بيقول كده بيضحك على نفسه قبل مايكون بيضحك عليك. الواجب فعلا انك تشارك سواء بنعم او بلا . لو كونت رأيك واخدت قرارك انزل قوله بكل حريه. لو لسه ما اخدتش قرارك حاول تفهم كل الاراء وتكون رأيك. انا شخصيا اخدت قرارى خلاص. وهنزل اقوله بس ماتفرضش رأيك على حد. وماتصادرش رأى حد . واحترم كل الاراء وتقبل نتيجة الاستفتاء النهائية لو كانت عكس ارادتك .هى دى الديمقراطية اللى كنا بنحلم بيها وان شاء الله هنحققها .

 

الشيخ حسان وانجازات ثورتنا

ماحدث بالامس من نقل التليفزيون المصرى لخطبة الشيخ محمد حسان على الهواء مباشرة من واحد من اهم واكبر المساجد المصرية امر يستحق الاشاده والاعجاب ويعتبر من بواكير انجازات ثورتنا الشعبية والتى انتقدها ورفضها البعض من مدعى السلفيه
ومن هنا ابعث اليهم بسؤال عن رأيهم فى هذا الامر بعد ان ادعوا خطأ و حرمانية الخروج على الحاكم بأسم الاسلام فما هى رؤيتهم الان بعد ظهور شيخنا وشيخهم المحبوب بهذه الطريقه التى اسعدت الجميع هل مازالوا يرفضون الثورة ام ان سياسة الكيل بكل المكاييل الممكنه مازالت تتربص بمخيلتهم ؟؟

ما ادهشنى فى خطبة الشيخ محمد حسان انه قال ماقلته من قبل وكفرت من اجله من المنتسبين للسلفيه او مدعى الانتساب لهم واسألهم للمره الثانية ما رأيكم اليوم فيما قاله الشيخ الجليل هل هو كفر ؟؟ ام ان سياسة المكاييل مازالت كما هى ؟؟

لست هنا بصدد محاكمة او محاسبة احد ولكنى فقط اردت توصيل رسالة الى الجميع بأن نتخلى عن طريقة الحفظ والتلقين والبدء فى اعمال العقول التى لم يخلقها الله الا لغرض التفكر والفهم فدعونا لنفكر ونفهم بدون ضغط او ارهاب او احتكار للحق .

كنت اعتقد ومازلت ان الفرق بين العالم ومدعى العلم هو الفرق بين الفهم والحفظ فالعالم من وجهة نظرى ليس هو الاغزر علما وحفظا لأراء الفقهاء والعلماء فليس هناك ماهو اسهل من الحفظ ولكن العالم هو من يقدر قيمة مايقرأه هو من يفهم القرآن والسنه والاراء الاجتهادية المختلفه هو من يقدر اختلاف الازمنه والامكنة والمواقف هو من يقدر قيمة الكلمه التى تخرج من بين شفتيه فكلمته هذه قد تبنى وقد تهدم حتى وان كانت على حق فديننا هو دين اليسر ديننا قدر الاختلاف لدرجة تخيير الله لعبادة حرية الكفر والايمان ( ومن شاء فليؤمن ومن شاء فليكفر ) ديننا الذى امرنا بالحفاظ على النفس البشرية ايا كان دينها او جنسها وجعل من يحافظ على حياة فرد كأنه احيا كل البشر ومن اجهضها كأنه قتل كل البشر ( من قتل نفسا بغير نفس أو فساد في الارض فكأنما قتل الناس جميعا ) ديننا الذى امرنا ببر اهل الكتاب ( ان تبروهم وتقسطوا اليهم ) ديننا الذى امر بعدم قتل راهب او هدم صومعة او كنيسه ديننا الذى امرنا بأفشاء السلام ابعد كل هذا نجد بيننا من يتبنى خطابات عدوانية مريضه ويدعى انها من اوامر الاسلام ؟؟ لا والله فالاسلام منهم برىء فمن يطالب بالقتل فهو يطالب باسمه لا باسم الاسلام من يطالب بالكراهية يطالب باسمه لا باسم الاسلام من يطالب بهدم الكنائيس يطالب باسمه لا باسم الاسلام

اطلب من الجميع بالمصالحه مع انفسهم اولا ثم المصالحه مع الناس اطالب من كل الاخوه الذين يحبون التحدث دوما باسم الاسلام ان يتريثوا قليلا فمن نحن كى نتحدث باسم الاسلام اذا اردت ان تتحدث فتحدث باسمك ورؤيتك انت للاسلام ولا تحتكر الاسلام لنفسك هذا ما تعلمناه من ديننا من حرية الاختلاف وهذا من تعلمناه من ثورتنا المباركه فلنختلف بأدب واحترام وحب طالما هدفنا واحد وهو الخير

دعونا نتناقش ونحلم لبلدنا بحب وهدوء فمصر هى لكل المصريين مسلميها ومسيحييها وكل من يعيش على ارضها له الحق فى المشاركه وابداء رأيه والعيش بكرامة ويحصل على كامل حقوقه اما الحسابات الدينية والطائفيه والعقائديه مكانها ليس هنا فلسنا نحن من نحاسب البشر الله وحده هو من سيحاسب
بالله عليكم دعونا نبنى وطننا دعونا لنرتقى بانفسنا فوق كل اختلافاتنا وخلافاتنا

تحيـــــــــــــــــــــــــــــاتى

ثورة الفيس بوك

بقالى كام يوم قاعد افكر عاوز ادى لحد تحية كبيرة اوى حد 

ساعدنا حد هو اللى جمعنا على الثورة عاوز ادى تحية للفيس بوك ايوة الفيس بوك سلاح الاشارة اللى جمعنا كلنا على قلب شاب واحد كلنا او اغلبنا كنا عايشين بالثورة جوانا كلنا كنا بنغلى بس مش لاقيين حد يجمعنا مش لاقيين وسيلة تنظمنا تخلينا نطلع فى يوم واحد مع بعض نردد هتاف واحد جوانا هم واحد وحزن واحد وصرخة واحدة الشعب يريد اسقاط النظام
الفيس بوك يستحق فعلا يشيل اسم ثورة شباب دايما كان بيتشتم او بيتم التهكم عليه بأنهم شباب الفيس بوك لأ الوقتى الفيس بوك ماعدش تهمة ماعدش شتيمة ماعدش رمز للتهكم الفيس بوك بقى رمز لثورة من اعظم وانقى واطهر ثورات التحرر فى العالم تحية للفيس بوك وتحية لشباب وبنات الفيس بوك اللى اثبتوا بالفعل انهم شباب واعى محترم مثقف وتحياتى للشباب اللى دعوا للثورة من غير مايعرفوا ان فيه شباب مستنيين جاهزين مترقبين وكأنهم جنود محتشده على الجبهة منتظرة ساعة الصفر واشارة البدء

تحياتى

احمد البطل

طوعا او كرها فلترحل

رسالة من شباب مصر

----------

طوعا او كرها فلترحل
فاليوم ستارك قد اسدل
اليوم حوارك قد اقفل
فلتمضى الان ولا تبطىء
وكفاك خداعا وتجمل
فلتمضى الان ولا تبطىء
فالوقت لدى قد اهدر

فالامر اليوم هو امرى
وحال الدنيا يتغير

فاليوم ستارك قد اسدل
لا تطلب صفحا او عفوا
فأنا لست نبيا مرسل
ولن اترك حق شهيد
او مظلوم منك تململ
وسأفتح كل قضاياك
وسأنشر كل خطاياك
فالله رقيب لا يهمل


ان كنت هناك فاخبرنى
عن شعب ثائر يتحمل
عن شاب يحلم بالافضل
يبحث عن مصر المستقبل
اجزاء حلمه ان يقتل ؟
امازلت هناك الا تخجل ؟
فلتمضى الان ولا تبطىء
فاليوم ستارك قد اسدل
والله رقيب لا يهمل

احمد البطل

رسالة من شاب حر

قد جئت اليوم انادى
بصوتى المسموع
برأسى المرفوع
فاليوم كسرت قيودى
وبيدى حررت بلادى
فاليوم هو يوم ميلادى

فقد جئت اليوم انادى
لقد عادت لى امجادى

انادى على كل جبان
الحرية لها اثمان
فكفاك صراخا كالغلمان

انادى على كل جهول
هل تعرف ماذا تقول ؟
ام انت تردد كالمخبول
كلام ليس عليه دليل

سأنادى على حسنى مبارك
فلتخبرنى من منا اختارك ؟
من اعطاك الحق لتملك شعبا
لم يعبأ يوما بقرارك
لم يتهافت ليتابع يوما اخبارك
فاليوم هو يوم فرارك
اليوم هو يوم رحيلك
فلترحل عنا ولن نعفوا
فلن يهمل ربى امثالك

سأنادى على كل شريف
على كل شباب التشريف
على كل ميادين الحرية
فنحن على الحق فلا تهنوا
فبأيديكم مصر قوية
وبأيديكم مصر ابية
وبأيديكم قد عادت مصر الثورية

سأظل انادى وانادى
سأردد كل شعاراتى
وتهز الارض هتافاتى
سأقدم للوطن حياتى
ثمن الحرية ليس رخيص
فلن ابخل يوما بحياتى

فاليوم كسرت قيودى
وبيدى حررت بلادى
فاليوم هو يوم ميلادى

احمد البطل

يعنى ايه ؟؟؟

يعنى ايه ؟؟؟ 

يعنى ايه انتخابات وفى الاخر يجيبوا اللى هما عاوزينه  ؟؟؟ يعنى ايه حزب يرشح 3 على كرسى واحد ضد بعض وفى اى بلد بيحصل الهبل ده ؟؟؟ يعنى ايه وزير يبقى عضو فى مجلس الشعب ؟؟ يعنى الوزير هيحاسب نفسه او زمايله فى الوزارة ؟؟ او هيبحث عن الفساد فى الحكومة ؟؟؟ يعنى ايه وزارة الداخليه هى اللى متوليه العملية الانتخابية ؟؟؟ على اساس انها جهة محايده مالهاش دعوة بحد ؟؟؟ يعنى ايه المفتى وشيخ الازهر يطلعوا فتاوى علشان الناس تطلع تصوت وهما عارفين ان فيه تزوير ؟؟يعنى ايه دولة تستعين ببلطجية يعملوا مشاكل وقد يتطور الامر الى القتل ؟؟ يعنى ايه اجيب موظفين المحليات المرتشيين واقعدهم مكان القضاه ؟؟ يعنى ايه ارفض رقابة دولية بحجة السيادة وانا فى الاساس بمنع الرقابة الداخلية بل برفض دخول مندوبى المرشحين المعارضين ؟؟يعنى ايه 88 عضو اخوان ينجحوا الدورة اللى فاتت والدورة دى مفيش ولا واحد ؟؟ يعنى ايه الحزب الوطنى يكتسح الدورة دى والدورة اللى فاتت بعد التزوير كان ناجحلة التلت بس ؟؟

يعنى ايه انتخابات ؟؟؟ يعنى ايه مصر ؟؟؟ يعنى ايه مجلس شعب ؟؟؟

ايها الشيطان حل عن مصر فقد مللناك فقد انهارت على يديك كما لم تنهار من قبل

دعنى اكتب ما اريد

دعنى اكتب ما اريد

دعنى افك هذا القيد

فلم تعد تخيفنى قبضتك الحديد

لم يعد عقلى يستوعب تبريراتك

لم يعد قلبى يستهوى تملقاتك

لم يعد لديك ما يفيد

دعنى لأقول الحقيقة

فقد انتهى زمن العبيد

وقد انتهى زمن الوعيد

دعنى اكتب بلا خطوط حمراء

بلا حدود بلا قيود

دعنى اكتب المزيد

دعنى ارى السماء بدون نظارتك السوداء

فأنا استطيع رؤيتها وحدى فى صفاء

استطيع ان ارى بلا حدود

ففك عنى هذه القيود

دعنى اتنسم هواء الحرية

فقد ضقت ذرعا بألاعيبك الخفية

دعنى ارسم بنفسى حدودى

دعنى استعيد امجادى

دعنى اعيد سيرتى الاولى

كما خلقنى رب البرية

دعنى .. فقد حان وقت ميلادى من جديد

دعنى اكتب عن وطنى الجريح

دعنى اكتب عن محمد .. والمسيح

دعنى اكتب كى استريح

هل تخاف على نفسك ؟؟على ملكك ؟؟

فملكك زائل

اما الافكار فتسبح فى الهواء

تحلق فى حرية وتحملها الريح

فاتركنى مثلها ابحر فى الفضاء الفسيح

دعنى احاور عقلى عله يستجيب

عله ينفض غبار الجهل

دعنى لأنتشله من الوحل

دعنى اعيد تشكيل قلبى

فماعهدته الا ليحب

فاتركنى لأحب

دعنى ادمر الكره ادمر البغض

دعنى لأدمر كل دعوات الحقد

دعنى اقول ما فى نفسى

فقد سئمت الهمس

سئمت الخفوت .. سئمت السكوت

فاتركنى قبل السقوط

لأستعيد امجاد الامس

فدعنى اكتب ما اريد

ودعنى افعل ما اريد

واكسر عنى هذه القيود

فلم نعد فى زمن العبيد

لم نعد فى زمن العبيد

اللى اختشوا ماتوا

 (انا ابن الوزارة والوزير هو بابا وجوز الوزارة ) ,,,,  (الوزارة وزارته والبلد بلده واللى فيها اللعب بتاعته )( وايه يعنى لما تتسرق لوحة عادى يعنى مش نهاية العالم فدايا الف لوحة)  ,,,, وتتحرق البلد على اللى فيها

(انا كبش فداء للوزير ) ,,,,,  (احنا شيلين عن محسن شعلان بلاوى) !!!!!!!!!!!!!!

معلش دى كانت زوبعة فى فنجان واحنا فى الاخر اصحاب وماحدش بيسرق حاجة بتاعته صافى يالبن حليب ياقشطة 

بعض الجمل الدراماتيكيه مرت علينا مرور الكرام خلال الفترة الماضية الغريب والطريف والمحزن والمخجل ان التناقضات وصلت مداها ولو كنا نعيش فى ظل حكم محترم ورشيد لما تم السكوت عما يحدث فى وزارة السخافة المسماة زورا وظلما وبهتانا بوزارة الثقافة والثقافة منها براء ,,,,,,

فلنستعيد الذاكرة بالفلاش باك مرة اخرى

زهرة الخشخاش

ففى سبتمبر الماضى تم الاعلان عن سرقة لوحة زهرة الخشخاش للفنان العالمى فان جوخ والتى تقدر قيمتها ب 55 مليون دولار( لحد كدة عادى بتحصل فى كل الدنيا )

ثم يخرج بعدها وزير السخافة ليقلل  امام العالم اجمع من هذه السرقة ليقول وايه يعنى لوحة تتسرق !!!! مقللا من قيمة اللوحة مدعيا ان السارق جاهل لانه سرق هذه اللوحة وترك غيرها الاقيم  اذن هو جاهل لأنه سرق ما قيمته 55 مليون دولار وكان الاجدى من نظر سيادة المثكف الاول فى مصر ان يقوم بتقليب المتحف عن آخرة عشان العملية تستاهل أو ان يقوم مثلا بسرقة ابو الهول او رمسيس  لكن ايه يعنى 55 مليون عمى ماهمش قيمة ,, عملا بالمثل الشعبى ان سرقت اسرق جمل !!!!!!!!

واللطيف فى الامر ان سارق اللوحة دخل وسرقها فى عز الضهر  دون اى عناء لعدم وجود حراسة او كاميرات فيديو سليمة بتصور  او اجهزة انذار بتقول بييييييييييب  لان حكومتنا الذكية لا تهتم بمثل هذه الامور لان الخير كتير والحمد لله واللى عاوز ياخد حاجة ياخدها !!

اذن فالامر عادى ولا يستحق الاهتمام  ولكن الاحداث تطورت وتم القبض على محسن شعلان احد كبراء مثكفين  الوزارة فاقام الدنيا ولم يقعدها متهما الوزير بكل الاتهامات الممكنة وغير الممكنه مدعيا انه كبش فداء والوزير هو المسؤل الحقيقى وهنا بدأ المسلسل الكوميدى فخرج الوزير يكيل الاتهامات لمحسن شعلان ويقول بالنص انه شايل عنه بلاوى هكذاا جهارا نهارا تهديدات من هنا وهنااااك بكشف المستور الذى لا يعرفه غيرهما والذى من المؤكد سيزج بهما الى غياهب السجون ,,,,,

وان كانت هناك بلاوى ايها الفنان لم ولمصلحة من سكت عنها ولم لم تقدمه للمحاكمة طالما هناك بلاوى ؟؟؟؟؟؟!!!!

وكانت المفاجأة الكبرى ان خرج محسن شعلان من السجن واستقبله الوزير استقبال الفاتحين الابطال ونسى بلاويه التى لا يعرفها غيره فى لحظه بل  قام بمكافأته بان جعله مستشارا له من الفئة الاولى  بالطبع كى يتم التغطية على طرطشة الكلام والاتهامات المتبادله ويحافظ كل منهما على بلاويه بعيدا عن الاعين  !!!

وشهدت المقابله هذه  الجمل الشهيرة ,,, الوزارة وزارته   وانا ابن الوزارة  ومثل هذه الجمل المستفزه التى مرت مرور الكرام  وتم نسيان اللوحة فلتذهب الى الجحيم وليذهب الشعب المصرى الى الجحيم وما الذى يعنيه فى الامر فهذه امور تدور بين كبارات البلد ولا شأن لاحد بها

بالطبع نتذكر جميعا فضيحة حريق بنى سويف والذى راح ضحيته العشرات من الابرياء وراح ايضا مصطفى علوى  ككبش فداء للوزير والذى تم الزج به فى السجن لعدة سنوات قبل ان تتم تبرئته !!!!!!

وكانت الواقعة الريفة بأن قدم الوزير استقالته لرئيس الجمهورية وهو خطأ دستورى لأنه لابد من تقديم استقالة الوزير لرئيس الوزراء وليس لرئيس الجمهورية وبالطبع رفضت لان سيادة الرئيس لم ير اى قيمة لمن تم شوائهم داخل المسرح  ولكنها كانت مجرد واقعة طريفة وان دلت انما تدل عن كيفية تسيير الامور داخل ام الدنيا

اذن فهذه هى وزارة السخافة وفضائحها التى تتم جهارانهارا دون ان يرمش جفن احد المسؤولين عن هذا الوطن الذين هم جميعا شركاء فى هذه الحوادث ومسؤولين عنها سياسيا وجنائيا ولو كان لدى احدهم ذرة واحدة من االاحترام لما بقوا يوما واحدا فى اماكنهم وهم يعرفون جيداا مدى كراهية المصريين لهم ولكن للاسف لا شأن لاحد بالمواطنين المهم هو المصلحة الخاصة والكراسى الوثيرة المباركة  التى تحولت الى اسرة للنوم

ولا تنتظروا ان يقوم احد هؤلاء المدعين المسؤولية بتقديم استقالته لانه يعرف جيدا انه لن يتم اقالته وبالتالى فجميعهم معدومى الدم

وان كنت قد تأخرت بعض الشيىء فى طرح الموضوع وقد مرت عليه فترة من الزمن ولكن فقط كى لا ننسى ولكى نوثق داخل ذاكرتنا الجرائم التى ترتكب فى حق هذا الوطن المغتصب

وفى انتظار الجريمة المباركة  القادمة ولا تتأخروا علينا كثيرا كى لا نمل من الانتظار

فعلا اللى اختشوا ماتوا

مابين ازمة الرغيف وأفضل سائل تنضيف

الرفاق حائرون يتهامسون يتساءلون عن افضل سائل تنضيف يقضى على  الدهون !!

الرفاق مغيبون وتائهون ومقهورون وجاء الدور على إعلانات التليفزيون .

فتم تجيش الجيوش  فالأمر هام وخطير متعلق بمصير هذا الشعب الفقير فزجاجة من السائل الأخضر تكفى لغسيل سبعة آلاف طبق !!! بالفعل أمر قد يسبب الأرق !!

أما الزجاجة الزرقاء فنقطة منه تساوى الزجاجة الأخرى ( ذا أنا اللي هيجيلى النقطة ) وتكفى هذه الزجاجة لغسيل كل أطباق الوطن فهنيئا لك أيها الوطن !!!

يبدوا أن الشركات العالمية قد وجدت ضالتها لدى شعوب متواكلة نحت عقولها جانبا .... فرات تلك الشركات أننا في حاجة ماسة إلى التنضيف فقد عفنت رائحتنا ويبدوا أنها غزت الدول المجاورة فأقسمت طلاق بالتلاتة أنها ولابد وحتما من مساعدتنا كي ننضف فبدأت في عمل حملات إعلانية ضخمة تكلفت عشرات الملايين من الجنيهات كي تدلنا على الطريقة المثلي للتنضيف ( ربنا يكرمهم ) مستعينة في ذلك بما يدعون نجوم الفن كي يساعدوهم في غايتهم النبيلة ولم لا ونحن في عصر حكومة نظيف الذكية والزكية ..... الذكية في تنضيف الجيوب أول بأول والزكية في الرائحة بما أنها وزارة رجال الأعمال النضاف اللي ربحتهم معطرة والذين قاموا أيضا بتنضيف البلد من الاموال وتركوها على الحميد المجيد

إذن هي الحملة القومية للتنظيف تشترك فيها السياسة الداخلية مع الاقتصاد العالمي فنحن في زمن العولمة !!!!!!

وحسرتاه على شعوب كانت في يوم من الأيام مليء السمع والبصر ولكنها أمست ألان مثالا للهطل .

فهذه الإعلانات التافهة الفجة مليئة بالكثير من الجرائم

اولها جريمة خداع المستهلكين واللعب بعقولهم وهنا يكمن الدور الشرفى لجهاز حماية المستهلك او غيرة من الاجهزة الشرفية التى هى بالاساس بلا دور ليروا هذه الزجاجة السحرية التى تكفى وحدها لغسيل سبعة الاف طبق سبحان الله

الجريمة الثانية  هى انتشار ظاهرة التلقيح فى اعلامنا بدون اى تحرك من وزير الاحلام المعنى باعلام مصر وان كان دورة قد ظهر فى منع او على الاقل تاخير اعلانات حزب الوفد الشقيق !!

الجريمة الثالثة هى اشتراك فنانوا مصر ( ان صح التعبير واعتبرناهم كذلك ) فى مثل هذه التفاهة الاعلامية وبم ان الفن محسوب على الثقافة والفنانون يعدون رسميا مثقفين هذا الوطن الغلبان اذن فمثقفى مصر بيضحكوا على دقون المصرين ويلبسوهم العمة مقابل حفنة من المال

الجريمة الرابعة هى الوقوف مكتوفي الايدى امام هذه المنتجات الاجنبية البسيطة جداا فى صناعتها وليست فى حاجة ماسة الى تكنولوجيا معقدة والاولى بنا الاهتمام بالمنتجات المحلية الصنع طالما لا توجد فروقات كيرة .

فبصفة شخصية استفزتنى جدا هذه الاعلانات تارة تشعرنى بالتفاهة وتارة بالاشمئزاز وتارة بالضحك ولم لا ونحن نعيش فى ازمات كبيرة فى مستوى الدخل وشريحة كبيرة من ابناء هذا الوطن اكثر ما يهمهم هوايجاد رغيف الخبز اولا ثم تطويرة ثانيا  لتخرج علينا هذه الاعلانات التافهة لتخرج لنا لسنانها بمعركة تافهة لاقناع المصريين ايهم المنظف رقم واحد فى مصر  فمن جهتى كمصرى اكره التفاهة واكره ان يقوم اى شخص او جهة ايا كانت باستنطاعنا والسخرية منا هذه الطريقة البلهاء

ولذلك قمت بمنع هذين المنتجين من الدخول للبيت شاكرا مجهوداتهم فى السخرية منا

حزب المفسدين

لقد وصلنا لنتيجه بعد التصديق على حكم السجن الصادر ضد رجل الاعمال والسياسه المصرى هشام طلعت مصطفى   وحكم السجن على رجل الاعمال والسياسه الاخر ممدوح اسماعيل واستمرار قضية رجل الاعمال الثالث هانى سرور والحكم على نائب القمار مهرب التليفونات المحمولة وبعد مطالبة احد نواب الحزب بضرب المتظاهرين بالنار وبعد هروب رجال اعمال وسياسه آخرين وهم محملين بالغنائم وبعد فضائح تزوير الانتخابات علانية بلا ادنى حياء  ,, اصبح من حق الجميع ان يتكلم ولديه الدليل لدينا الدليل على استشراء الفساد فى هذا الوطن المغلوب على امره لقد اصبحنا وكأننا عدنا الى الوراء  وكأننا عدنا الى عصر المماليك الذين نهبوا مصر بكل ما فيها من خيرات واذلوا شعبها بكل ما اوتو من قوه  والله ان هذا العصر الذى نعيش فيه هو اكثر فسادا ونهبا من عصور المماليك

القاسم المشترك بين كل من ذكرتهم فى السطور الاولى  هو انهم جميعا اعضاء بارزين فى الحزب الحاكم واعضاء فى مجلسى الشعب والشورى سواء بالانتخاب او التعيين  اى انهم من رجال الدوله المخلصين الذين استباحوها بنفوذهم واموالهم التى نهبوها من لحم هذا الشعب الكادح الذى لم يعد قادرا حتى على استقبال الصدمات

الحزب الوطنى او حزب المنتفعين او حزب رجال الاعمال  ايا كان اسمه او ما نريد ان نسميه ولكن الواضح انه اصبح جامعه لتخريح المفسدين واللصوص والقتله والهاربين

فاذا اردت ايها القارىء الكريم ان تلتحق بهذه الجامعه فلابد لك من مؤهلات اولها ان تكون رجل اعمال ليس له هم ولا طائل الا الربح المادى  لا تحب الا نفسك  مؤمن بالميكافيليه ( الغايه تبرر الوسيله ) لديك الكثير من النفاق كى ترضى الكبار لديك الكثير والكثير من الحيل كى تضحك بها على الناس  وكلما قلت هذه المؤهلات  كلما اصبح ترتيبك اقل فى الحزب وكلما زادت كلما اصبحت فى الصفوف الاولى  وانت وشطارتك ( والشاطر هو قاطع الطريق ) فهل لديك هذه المؤهلات ؟ اذا كانت لديك فهنيئا لك فلتأخذ اوراقك واثباتاتك وتتجه فورا الى حزب الاغلبيه  والاغلبيه تعنى هنا ( الاغلبيه رجال اعمال ) هيا الان ماذا تنتظر ونحن ايضا سوف ننتظر سوف ننتظر مصيرك بعد سنوات بعدما تتزاوج السلطه مع المال  مع النفوذ  سننتظر هشام آخر او ممدوح آخر او هانى آخر لقد استغل هؤلاء نفوذهم للحصول هلى مميزات كأراضى شبه مجانيه تصل الى آلاف الافدنه, لدينا فى بلاد الفلاحين من يملك فدان من الارض فهو ملك زمانه  ودولتنا الكريمه تعطى هؤلاء المميزين الالاف من الافدنه  بالمجااااان  هيا اخى الكريم فلتلحق نصيبك من التورته مازال هناك الكثير منها فمصر مازالت غنيه بالخيرات والخيرات التى تنتظر من يقتطفها  ,,, فقط من رجال الحزب

انا شخصيا انتظر بفارغ الصبر الشخص التالى الذى سوف تتناقل اخباره وسائل الاعلام لا لعمل سياسى اداه ولكن لجريمه اقترفها خلف ستار نفوذه السياسى  وهااااااااااااا نحن فى الانتظار

ارسم صليبا كالهلال

بعد الاحداث الارهابية الاخيرة التى حدثت فى الاسكندرية مابين المسجد والكنيسة وما تلته من احتجاجات ووقفات تضامنية مع المتضررين والمستهدفين من الحادث ظهر علينا ضيقى الافق ومغيبى ( بكسر الياء الاولى) العقول بفتوى او بأمر نافذ التنفيذ لأنه بأسم الدين ,, بعدم رفع الصليب بجوار الهلال لن اقول بأن عقولهم صورت لهم ذلك ولكنه امر طبيعى من دعاة تعصب لم يهمهم امر الحادثة كثيرا لأن المقصود بها كان مسيحيوا مصر كما لم تهمهم مصر فدعاة التعصب استكثروا التضامن مع من ظلموا وقاموا بضرب كرسى فى الكلوب لأن نفسيتهم المتعصبة غلبت عليهم وانستهم ان الحادث كان مدبر للنيل من مصر وليس طائفة بعينها ولكن النيل بطريقة التفرقه بيننا كمصريين
من دعا الى هذا الامر نسى او تناسى ان هذا الصليب رفعه من قبل كبار مشايخ الازهر فى ثورة 19 مع سعد زغلول ومكرم عبيد وقتما كان الازهر فى اوج عظمته واستقلاله

ضيقى الافق مازالوا يريدون سكب البنزين فوق النيران المشتعلة وليهنأ الاعداء بما نقدمه لهم من هدايا على اطباق الذهب والفضه

اما انا فأن كان رفع الصليب سيحمى بلادى من الاخطار فسوف ارفعه ليس لأنى اؤمن به بل لأنى اؤمن بحرية كل فرد فى اختيار دينه وايمانى بأن رفع الصليب بجوار الهلال ماهو الا رسالة سياسية وليست دينية وايمانى بأن الصليب والهلال ليسا الا رمزين للمسيحية والاسلام وليسا هما المسيحية والاسلام

هذا دائما هو حال المتعصبين تناسى القضية الاساسية ومحاولة خلق قضية فرعية لألهاء الناس بها انتظارا لمصيبة اخرى تحقق احلامهم

اقول لدعاة التعصب فلتصمتوا قليلا كفانا وكفاكم ما احدثتموه من وقيعة بين اقباط مصر مسلميهم ومسيحييهم

ارسم صليبا كالهلال

من كلمات

حسن طلب

هَذا صَليبُكَ يا أخِى
فارسُمْهُ..
أو -إن شِئتَ- لا ترسُمْهُ..
عبِّرْ يا أخى عَمَّا تَدِينُ بهِ
أو اكتُمهُ
ولكنْ لا تُجادِلْ فى الذِى -إنْ قِيلَ-
لم تَفهمْهُ..
فلترسُمْ صليبَكَ..
إن يكنْ لابدَّ من رسمِ الصَّليبِ..
وإن يكنْ يَعْنِيكَ
رأيُ أخِيكَ فيكَ
إليكَ.. فاعْلمْهُ:
الصليبُ أنا وأنت.. نَعمْ
فإن صدَّقتَنى حقاً
وإلا فاتَّخذْ وضعا عمودياً
وقفْ.. واجعلْ ذراعيْكَ:
امتداداً جانبياً
واعتدِلْ.. تُصبحْ صليباً آدمياً
إن يكُنْ لابدَّ من رسمِ الصليبِ الآنَ..
فلترسُمْ على جسدِى
ولو بِيدى
لكنت أقمتُ داراً للعبادةِ..
تجمعُ الأديانَ فى بلدِى
فتلكَ كنيسةٌ.. بجوارِها ديْرٌ
بجانِبِ مسْجدٍ.. أو معبَدٍ
فلعلَّها تَتزوجُ الجِيران من جيرانِها
فى مشهَدٍ!
ولعلَّ -من يدرِىَ-
يكونُ الدِّينُ والمتَديِّنونَ..
كمثلِ ذلكَ فى غدٍ
لمَ لا يكونُ الدينُ للديَّانِ مُنزِلِهِ
وللوطنِ الجَميعَُ
وكيف لا نسعَى
إلى ما -لو أردْنا- نستطيعُ!
الأمرُ لو بِيدى
لقلتُ: ارسُمْ صليبَكَ يا أخى
وارفَعْ أَذانَ الفجْرِ فى المحرابِ..
واشرَعْ فى الدعاءِ المْستجابِ..

---

ارسم هلالا

ارسم هلالا ثم اتقنه

وزينه بسحر الهاء.. حسنة

وحصنه عن الاعداء

حتى لايصاب بطلقة فى اللام طائشة

فيحترق احتراقا

ثم مكنه ليلتصق التصاقا

ثم ثبته هنا والان

حتى لايدور مع الزمان لكى يحوله

غدا بدرا وبعد غد محاقا

ثم فوضه .. ولقنه

ليصبح شاهدا عدلا

على استشهاد طفلك

وهو بين يديك ينزف

او على استشهادك

ارسمه

بضلع من ضلوعك انت كونه

ومن دمك الذى اهريق لونه..

ليبقى فى بلادك

شارة

بتميمة الحرية الحمراء مرسلة

الى احفاد غيرك منك .. او احفادك

ارسمه جسيما

وسط هالته وسيما

لا سقيما

كلما هبت عليه الريح زالا

ارسم هلالا